کراچی : شہر قائد میں غیر قانونی تعمیرات کا سلسلہ نہ رک سکا، صوبائی وزیر بلدیات کے ٹاسک فورس کے آپریشن کے ثمرات بھی ختم ہونا شروع ہوگئے، لیاقت آباد بانٹوا نگرسوسائٹی میں غیرقانونی تعمیرات کیخلاف ایس بی سی اے کارروائی سے گریزاں ہے۔
ضلع سینٹرل کے مختلف علاقوں گلبرگ، لیاقت آباد، فیڈرل بی ایریا، ناظم آباد، نارتھ کراچی میں غیر قانونی تعمیرات کا سلسلہ تیزی سے جاری ہے جس کو روکنے والا کوئی نہیں ہے۔
لیاقت آباد بانٹوا نگر سوسائٹی میں غیر قانونی تعمیرات کے حوالے سے مکینوں نے متعدد بار شکایات تو درج کروائی لیکن ایس بی سی اے کے افسران کے کان پر جوں تک نہ رینگی۔
بانٹوا نگر سوسائٹی میں غیر قانونی تعمیراتی کے باعث مسائل جنم لے رہے ہیں جس میں پانی سیوریج، گیس اور بجلی کا نظام متاثر ہورہا ہے۔
صوبائی وزیر بلدیات کی جانب سے ٹاسک فورس نے غیر قانونی تعمیرات کیخلاف کروڑوں روپے کی غیر قانونی تعمیرات کو مسمار تو کیا لیکن اس کے ثمرات اب آہستہ آہستہ ختم ہورہے ہیں۔
