آئی ایم ایف کی ترجمان جولیئس کوزیک نے کہا ہے کہ پاکستان کو دوست ممالک سے فنڈنگ کی یقین دہانی درکار ہے۔
آئی ایم ایف کی ترجمان جولیئس کوزیک نے نیوز کانفرنس میں کہا کہ پاکستان کو بیلنس آف پے منٹس کیلئے ادائیگیوں کی ضرورت ہے، پاکستان کو دوست ممالک سے فنڈنگ کی یقین دہانی درکار ہے۔
جولیئس کوزیک نے کہا کہ دوست ممالک سے پاکستان کی فنڈنگ کا خیر مقدم کریں گے، 9 ویں جائزے کی کامیابی کیلئے پاکستان کو اضافی فنڈنگ کی ضرورت ہے۔
ترجمان آئی ایم ایف کا کہنا تھا کہ پاکستانی حکام سے قرض پروگرام کی بحالی کیلئے مسلسل کوششوں میں مصروف ہیں، پاکستان کو بیرونی ادائیگیوں میں سنگین مسائل کا سامنا ہے۔
جولیئس کوزیک کا یہ بھی کہنا تھا کہ پاکستان کی معیشت کو سیلاب سے سنگین نقصان پہنچا ہے اس لیے پاکستانی معیشت سبسڈیز، ٹیکس کی مزید چھوٹ کی متحمل نہیں ہوسکتی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں