اسلام آباد : پاکستان نے دو ٹوک مؤقف میں کہا ہے کہ حکومت آئندہ بجٹ میں آئی ایم ایف کے قرض پروگرام کی نئی شرط شامل نہیں کرے گی۔
تفصیلات کے مطابق پاکستانی وزارت خزانہ نے دو ٹوک مؤقف اپناتے ہوئے کہا ہے کہ آئندہ بجٹ میں آئی ایم ایف کی ڈکٹیشن نو مور کیونکہ نویں اقتصادی جائزےکیلئےشرائط پوری کردی ہیں ، اب حکومت بجٹ میں قرض پروگرام کی نئی شرط شامل نہیں کرے گی۔
وزیر اعظم شہباز شریف کی جانب سے بجٹ میں ریلیف اقدامات کیلئے سخت احکامات دیے گئے ہیں اور زراعت، صنعت اور یوتھ اسکیم کے ذریعے روزگار بڑھانے کیلئے اقدامات کا فیصلہ کیا گیا ہے۔
ذرائع نے بتایا کہ بجٹ میں روزگار کے مواقع بڑھانے کیلئے سخت فیصلے نہیں کیے جائیں گے، آئندہ بجٹ میں معاشی نظم و ضبط پرعملدرآمد ،عوام دوست بجٹ بنایا جائے گا۔
حکومت نے بجٹ میں توانائی شعبے کے نقصانات کم کرنے کیلئے سخت اقدامات کا فیصلہ کرتے ہوئے نقصان میں چلنے والےسرکاری اداروں کیلئے پرفارمنس ٹاسک فورس کی تجویز دی ہے۔
