لاہور : چیئرمین پی ٹی آئی عمران خان نے منگل کوبینکنگ کورٹ میں پیش ہونے کا فیصلہ کرلیا ، جس کے باعث عمران خان کی اسلام آباد روانگی کا امکان ہے۔
تفصیلات کے مطابق بینکنگ کورٹ میں پیشی کے معاملے پر چیئرمین پی ٹی آئی عمران خان نے منگل کو عدالت میں پیش ہونے کا فیصلہ کرلیا۔
ذرائع نے بتایا ہے کہ عمران خان کے ساتھ پارٹی کےسینئر رہنما بھی عدالت جائیں گے، راولپنڈی کےعہداروں کوعمران خان کےاستقبال کی تیاریوں کی ہدایت کردی گئی ہے۔
ذرائع کا کہنا ہے کہ پی ٹی آئی چیئرمین عمران خان کی اسلام آبادروانگی کا امکان ہے ، عمران خان کی متوقع روانگی کے پیش نظر
راولپنڈی تنظیم کے رہنماؤں کو لاہور بلالیا گیا ہے۔
سابق وفاقی وزیرغلام سرور،سابق ڈپٹی اسپیکر واثق قیوم عباسی اور گلگت بلتستان کے مشیر داخلہ شمس لون زمان پارک پہنچ گئے ہیں۔
یاد رہے بینکنگ کورٹ نے ممنوعہ فنڈنگ کیس میں عمران خان کو 28 فروری کو پیش ہونے کا حکم دیا ہے۔