سابق وزیر اعظم اور پاکستان تحریک انصاف کے چیئرمین عمران خان نے اپنے خلاف تمام مقدمات کی سماعت ایک ہی جگہ کرنے کیلیے درخواست دائر کر دی۔
لاہور ہائی کورٹ میں عمران خان کی جانب سے دائر کی گئی درخواست میں مؤقف اختیار کیا گیا کہ درخواست گزار کی جان کو سنگین خطرات لاحق ہیں۔
چیئرمین پی ٹی آئی نے درخواست میں کہا کہ پنجاب میں درج تمام مقدمات کی سماعت ایک ہی جگہ کی جائے، درخواست گزار کے خلاف پنجاب بھر میں مقدمات کا اندراج کیا جا رہا ہے، عدالتوں میں پیشی کے دوران مشکلات کا سامنا کرنا پڑ رہا ہے۔
درخواست گزار نے کہا کہ عدالتی پیشی کے دوران دیگر سائلین اور ان کے کیسز کی سماعت پر بھی فرق پڑتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں