چیئرمین تحریک انصاف عمران خان نے کہا کہ ٹیکنوکریٹ حکومت لانے کا شوشہ چھوڑا جا رہا ہے۔
چیئرمین تحریک انصاف عمران خان سے سینئر صحافیوں نے ملاقات کی، ملاقات میں سابق وزیر اعظم نے گفتگو کرتے ہوئے کہا کہ حکومت سے زیادہ پیچھے بیٹھے لوگوں کا الیکشن کیلئے راضی ہونا ضروری ہے۔
عمران خان نے کہا کہ اس وقت اسٹیبلمنٹ کے ساتھ کوئی رابطہ نہیں ہے، اگر آئندہ عام انتخابات میں کوئی پولیٹیکل انجینئرنگ ہوئی تو نتائج اچھے نہیں ہونگے۔
چیئرمین پی ٹی آئی نے کہا کہ ابھی مجھے الیکشن ہوتے نظر نہیں آرہے، اس وقت پی ڈی ایم صرف ڈارلنگ روم کی جماعت بن کر رہ گئی ہے۔
چیئرمین تحریک انصاف عمران خان نے کہا کہ قمر جاوید باجوہ سے ہماری حکومت کے اچھے ورکنگ ریلیشن رہے، لیکن ان کے نزدیک سیاست دانوں کی کرپشن بے معنی تھی۔
انہوں نے کہا کہ نیب قوانین میں ترمیم کر کے 1100ارب روپے کرپشن کیسز ختم کئےگئے، ن لیگ، پیپلزپارٹی کے مفادات بیرون ملک ہیں، جب دونوں خاندانوں کے مفادات ہی پاکستان سے نہیں تو میثاق معیشت کیسے کریں۔
عمران خان کا مزید کہنا تھا کہ ہماری حکومت میں 5 فیصد ڈیفالٹ کا خطرہ تھا اب 90فیصد ہو چکا ہے، کیوں کہ ملک پر قبضہ گروپ کا راج ہے اور جنگل کا قانون ہے، اس ملک میں قانون کی حکمرانی قائم کئے بغیر پاکستان کے مسائل حل نہیں ہو سکتے ہیں۔
