پاکستان تحریک انصاف کے چیئرمین عمران خان نے متحدہ عرب امارات میں جیو نیوز، شاہ زیب خانزادہ اور عمر فاروق کیخلاف قانونی کارروائی شروع کردی ہے۔
سابق وزیراعظم نے اس حوالے سے سماجی رابطوں کی ویب سائٹ ٹوئٹر پر اپنے ایک ٹوئٹ بیان میں کہا ہے کہ حسن شاہ کی سربراہ میں میرے وکلا نے جیو نیوز، شاہ زیب خانزادہ اور عمر فاروق کے خلاف درخواست دائر کردی ہے۔
عمران خان کا کہنا تھا کہ یو اے ای میں ان تینوں کے خلاف ہتک عزت قانون کے تحت کارروائی کی جائے گی۔
حسن شاد کی سربراہی میں اب میرے متحدہ عرب امارات کے وکلاء جیو ٹی وی، شاہزیب خانزادہ اور دھوکہ باز عمر فاروق ظہور کیخلاف امارات کے قانون کے تحت مجرمانہ ہتکِ عزت (Libel and Slander) کا دعویٰ دائر کرچکے ہیں۔
— Imran Khan (@ImranKhanPTI) December 17, 2022
واضح رہے کہ جیو نیوز کے اینکر شاہ زیب خانزادہ نے توشہ خانہ گھڑی اسکینڈل کے حوالے سے ایک پروگرام کیا تھا جس کو عمران خان نے حقائق کے منافی اور جھوٹ کا پلندہ قرار دیتے ہوئے جیو، شاہ زیب خانزادہ اور عمر فاروق کیخلاف مختلف ممالک میں قانونی کارروائی کا اعلان کیا تھا۔
یہ بھی پڑھیں: ’جیو ٹی وی کو ہرجانے کا قانونی نوٹس لندن میں بھجوا دیا‘
اسی حوالے سے رواں ماہ کے پہلے ہفتے میں عمران خان کی ہدایت پر جیو ٹی وی کو لندن میں ہرجانے کا نوٹس بھی بھجوایا تھا۔
