اسلام آباد / لاہور: سابق وزیر اعظم پاکستان اور پاکستان تحریک انصاف کے چیئرمین عمران خان آج گوجرانوالہ ڈویژن کے رہنماؤں اور کارکنوں کے ساتھ افطارکریں گے اور آئندہ کے سیاسی لائحہ عمل کے حوالے سے آگاہ کریں گے۔
تفصیلات کے مطابق پاکستان تحریک انصاف کے چیئرمین عمران خان نے کارکنوں کے ساتھ افطار پروگرام کا سلسلہ شروع کردیا، عمران خان روزانہ کی بنیاد پر مختلف اضلاع سے تعلق رکھنے والے کارکنوں کے ساتھ افطار کریں گے۔
عمران خان آج گوجرانوالہ ڈویژن کے رہنماؤں اور کارکنوں کے ساتھ افطارکریں گے، اس دوران وہ کارکنوں کو آئندہ کے سیاسی لائحہ عمل کے حوالے سے آگاہ کریں گے۔
گزشتہ روزعمران خان نے لاہور، قصور اور ننکانہ کے کارکنوں کے ساتھ افطار کیا جبکہ کل یعنی 3 اپریل سوموار کے روز عمران خان جنوبی پنجاب کے کارکنوں کے ساتھ افطار کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں