پی ٹی آئی چیئرمین عمران خان نے کہا ہے کہ عوام اپنا میڈیٹ بچانے کیلیے آج ملک بھر میں باہر نکلیں وہ آج رات 9 بجے احتجاج سے خطاب کریں گے۔
پاکستان تحریک انصاف کے چیئرمین اور سابق وزیراعظم عمران خان نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ عوام پنجاب میں اپنا مینڈیٹ چوری کرنے نہیں دے گی، عوام اپنا میڈیٹ بچانے کیلیے آج ملک بھر میں باہر نکلیں وہ آج رات 9 بجے احتجاج سے خطاب کریں گے۔
عمران خان نے ٹوئٹ میں مزید کہا کہ جرائم کے بادشاہ زرداری اور شہباز شریف نے این آر او ٹو حاصل کیا اور یہ دونوں اب لوٹی رقم ایم پی ایز خریدنے کے لیے استعمال کر رہے ہیں۔
سابق وزیراعظم نے کہا کہ زرداری اور شہباز شریف ایسا کرکے قانون کا مذاق اڑا رہے اور آئین کی بے حرمتی کر رہے ہیں لیکن لوگ انہیں پنجاب میں اپنا مینڈیٹ چرانے کی اجازت نہیں دیں گے۔
عمران خان کا مزید کہنا تھا کہ امپورٹڈ حکومت نےضمنی الیکشن میں ریاستی مشینری سے دھاندلی کی کوشش کی اور جانبدار چیف الیکشن کمشنر سکندر سلطان نے غیر معتبر الیکشن کمیشن آف پاکستان کی سربراہی کی لیکن باشعور اور پرعزم عوام نے ان کی سازش کو ناکام بنادیا۔
they must now protect their mandate by coming out to protest today across Pak. I will address the protests at 9 pm tonight. Let Sri Lanka be a reminder as a clear message goes to cabal of crooks,their handlers & ECP that people wiĺl not allow you to steal their mandate in Punjab.
— Imran Khan (@ImranKhanPTI) July 21, 2022
پی ٹی آئی چیئرمین نے اپنے ٹوئٹ میں عوام کو پیغآم دیا کہ عوام سے کہتا ہوں وہ باہر نکلیں جیسے17 جولائی کو پنجاب الیکشن کو چوری سے بچایا اب ملک بھر میں احتجاج کے لیے نکل کر مینڈیٹ کا تحفظ کریں۔
انہوں نے کہا کہ سری لنکا کی صورتحال چوروں کے ٹولے، ان کے ہینڈلرز اور الیکشن کمیشن کو واضح پیغام ہے۔
