پی ٹی آئی چیئرمین عمران خان نے ڈالر کی قیمت میں مسلسل اضافے پر کہا ہے کہ پی ڈی ایم کی 11 ماہ میں کی حکومت میں روپے کا قتل عام جاری ہے۔
اے آر وائی نیوز کے مطابق پاکستان میں ڈالر کی قیمت میں مسلسل اضافے اور آج ایک ہی دن میں 18 روپے بڑھ جانے پر پاکستان تحریک انصاف کے چیئرمین اور سابق وزیراعظم عمران خان نے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
عمران خان نے اپنی ٹویٹ میں کہا ہے کہ پی ڈی ایم کی 11 ماہ کی حکومت میں پاکستانی روپے کا قتل عام جاری ہے۔ ان گیارہ ماہ میں روپے کی قدر میں 62 فیصد تک کمی ہوچکی ہے اور ڈالر کے مقابلے میں روپیہ 110 روپے گرا ہے۔
سابق وزیراعظم نے کہا کہ روپے کی بے قدری کے باعث قرضہ 14.3 کھرب بڑھ گیا ہے جب کہ ملک میں مہنگائی 75 سالہ بلند ترین شرح 31.5 فیصد پر پہنچ گئی ہے۔
پی ٹی آئی چیئرمین کا کہنا تھا کہ قمر جاوید باجوہ نے مجروموں کے ٹولے کو ملک پر مسلط کیا اور اب پاکستان کےعوام حکومت تبدیلی کی بھاری قیمت ادا کر رہے ہیں۔
Rupee slaughtered – lost over 62% or 110/$ in 11 months of PDM. This has increased public debt alone Rs 14.3 trn & historic 75 yr high inflation 31.5%. Pakistanis paying heavy price of regime change conspiracy where a bunch of criminals have been foisted upon nation by ex COAS. pic.twitter.com/xVkqxg6IN6
— Imran Khan (@ImranKhanPTI) March 2, 2023
واضح رہے کہ ملک میں ڈالر کی اونچی اڑان جاری ہے تاہم آج 2 مارچ کو ڈالر نے یکدم جمپ لگائی اور 18 روپے سے زائد مہنگا ہوکر اوپن مارکیٹ میں 285 روپے کی بلند ترین سطح پر فروخت ہو رہا ہے۔
