شوبز انڈسٹری کی معروف اداکارہ حرا خان کی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ حرا خان نے نئی تصاویر شیئر کیں جس میں انہیں ساحل سمندر پر فوٹو شوٹ کرواتے دیکھا جاسکتا ہے۔
حرا خان نے تصاویر شیئر کرتے ہوئے کیپشن میں لکھا کہ ’بے حسی سے بھری دنیا میں، میں ہمت کرتی ہوں کہ ہر چیز کو شدت سے محسوس کریں۔‘
انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
ایک مداح نے لکھا کہ ’بہت پیاری لگ رہی ہیں۔‘ دوسرے صارف نے لکھا کہ ’آپ کی تصاویر نے میری سانسیں چھین لی ہیں۔‘
حرا خان سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ حرا خان اور ماڈل و اداکار ارسلان خان رواں سال فروری میں رشتہ ازدواج میں منسلک ہوئے تھے جس کی ویڈیوز اور تصاویر وائرل ہوگئی تھیں۔
حرا خان نے اے آر وائی ڈیجیٹل کے ڈرامہ سیریل ’وہ پاگل سی‘ میں سارا کا کردار نبھایا تھا جبکہ وہ بلاک بسٹر ڈرامہ سیریل ’میرے ہمسفر‘ میں ’رومی‘ کا کردار ادا کرچکی ہیں۔
