The news is by your side.

Advertisement

بھارت کا بڑ ا اعلان ، سکھ قوم میں خوشی کی لہردوڑ گئی

نارووال: بھارت نے ایک سال 10ماہ بعد کرتار پور راہداری کھولنے کا اعلان کردیا ہے، جس کے بعد پوری سکھ قوم میں خوشی کی لہردوڑ گئی۔

تفصیلات کے مطابق بھارتی حکومت نے 19 نومبر سےکرتارپور راہداری کھولنے کا اعلان کردیا، اس حوالے سے ممبر پاکستان سکھ گوردوارہ پربندھک کمیٹی اندرجیت سنگھ نے اپنے بیان میں کہا ہے کہ ایک سال 10ماہ بعدبھارت نےراہداری کھولنےکااعلان کیا ہے، اس خبرسےپوری سکھ قوم میں خوشی کی لہردوڑآئی ہے۔

اندر جیت سنگھ کا کہنا تھا کہ پربندھنک کمیٹی کی طرف سے حکومت پاکستان کےمشکورہیں ، بابا گورونانک کے 552جنم کی تقریبات کل سے شروع ہوں گی ، یہ تقریبات 10روزجاری رہیں گی۔

خیال رہے کورونا کےباعث بھارت نے کوریڈور راستہ 16مارچ 2020سےبندکیاتھا اور بی جے پی کے سکھ ارکان پارلیمنٹ نے وزیراعظم نریندر مودی سے کرتارپور راہداری کھولنے کی درخواست کی تھی۔

خیال رہے باباگرونانک کےیوم پیدائش کی تقریبات17 سے26نومبرتک ہوں گی ، دنیا بھرسےسکھ یاتریوں کوتقریبات میں شرکت کی اجازت دی گئی ہے

بھارت،امریکا،برطانیہ ودیگرممالک سےسکھ تقریبات میں شرکت کرینگے جبکہ بھارتی سکھ یاتری 17نومبرکوواہگہ بارڈرکےراستےپاکستان پہنچیں گے اور تقریبات کےدوران سکھ یاتری دربارکرتارپورصاحب بھی جائیں گے۔

Comments

یہ بھی پڑھیں