کیپ ٹاؤن: ویمنز ٹی20ورلڈکپ میں بھارت نے پاکستان کو شکست دے دی۔
تفصیلات کے مطابق کیپ ٹاؤن کے نیولینڈ اسٹیڈیم میں کھیلے گئے ٹی ٹوئنٹی میچ میں پاکستان نے بھارت کو جیت کے لئے 150 رنز کا ہدف دیا۔
بھارت نے مطلوبہ ہدف 3 وکٹوں کے نقصان پر ایک اوور قبل پورا کرلیا، جمیمانے53رنزکی اننگزکھیل کرپاکستان سےفتح چھینی، بھارتی کپتان ہرمن پریت کور 16 رنز بنا کر آوٹ ہوئیں، ریچا گوش 31 رنز بنا کر ناٹ آوٹ رہیں۔
پاکستان کی جانب سے سعدیہ اقبال اورنشرح سندھونےایک،ایک وکٹ حاصل کی۔
یہ بھی پڑھیں: بسمہ معروف نے بھارت کے خلاف میچ کو یادگار بنالیا
اس سے قبل پاکستان نے ٹاس جیت کر پہلے بیٹنگ کرتے ہوئے 4 وکٹوں کےنقصان پر149رنزاسکورکیے، پاکستان کی جانب سے کپتان بسمہ معروف نے68اورعائشہ نسیم نے43رنزکی اننگزکھیلی۔
بھارت کی جانب سے رادھا یادیو نے دو جبکہ دبتی شرما اور پوجا وسترکار نے ایک ،ایک وکٹ حاصل کی تھی۔
یہ میچ میں پاکستانی مڈل آرڈر بیٹرز عائشہ نسیم کے لئے یادگار رہا جنہوں نے بھارتی بولرز کی درگت بناتے ہوئے 25 گیندوں پر 43 رنز کی اننگز کھیلی۔