بھارتی کرکٹ ٹیم آسٹریلیا کو پہلے ون ڈے میچ میں شکست دے کر ون ڈے کی نمبر ون ٹیم بن گئی۔
انٹرنیشنل کرکٹ کونسل (آئی سی سی) نے ون ڈے انٹرنیشنل میچوں کی رینکنگ جاری کردی جس کے مطابق بھارت نے پاکستان سے پہلی پوزیشن چھین لی ہے۔
بھارتی ٹیم ٹیسٹ، ون ڈے اور ٹی ٹوئنٹی تینوں فارمیٹس میں پہلی پوزیشن پر آگئی ہے۔
موہالی میں کھیلے گئے میچ میں بھارت نے آسٹریلیا کے خلاف پانچ وکٹوں سے کامیابی حاصل کی تھی، فاسٹ بولر محمد شامی کو پانچ وکٹیں حاصل کرنے پر میچ کا بہترین کھلاڑی قرار دیا گیا تھا۔
Tests ✅
T20Is ✅
ODIs ✅India have become the No.1 ranked team across all formats in the @mrfworldwide ICC Men's Team Rankings.
Details ➡️ https://t.co/B5V0PSe5CM pic.twitter.com/wrrY4WDvH9
— ICC (@ICC) September 23, 2023
آئی سی سی رینکنگ میں بھارتی ٹیم کے پوائنٹس 116 ہوگئے ہیں جبکہ دوسرے نمبر پر براجمان پاکستانی ٹیم پوائنٹس کی تعداد 115 ہے۔
تیسرے نمبر آسٹریلیا ہے، جس کے پوائنٹس کی تعداد 111 ہے، جنوبی افریقا 106 پوائنٹس کے ساتھ چوتھے نمبر پر ہے۔
آئی سی سی رینکنگ میں عالمی چیمپئن انگلینڈ 5ویں اور گزشتہ ورلڈ کپ کی رنراپ ٹیم نیوزی لینڈ 6 چھٹے نمبر پر ہے۔
عالمی درجہ بندی میں بنگلادیش 7ویں، سری لنکا 8ویں، افغانستان 9ویں اور ورلڈ کپ کےلیے کوالیفائی نہ کرسکنے والی ویسٹ انڈیز 10ویں نمبر پر ہے۔
