نئی دہلی : بھارت نے جوہری آبدوز سے نئے بیلسٹک میزائل کا تجربہ کرلیا، بیلسٹک میزائل آبدوز سے فائر کیا جا سکے گا۔
تفصیلات کے مطابق جنگی جنون میں مبتلا بھارت نے جوہری آبدوز سے نئے بیلسٹک میزائل کا تجربہ کرلیا۔
بھارتی حکام نے دعویٰ کیا ہے کہ نیا جوہری بیلسٹک میزائل سمندر کی تہہ میں موجود آبدوز سے فائر کیا جا سکے گا اور اس نئے میزائل سے پاکستان اور چین کو نشانہ بنایا جاسکتا ہے۔
بھارتی حکام نے مزید بتایا کہ میزائل کا تجربہ خلیج بنگال میں کیا گیا۔
بھارت جوہری میزائلوں سے لیس آبدوز رکھنے والا دنیا کا چھٹا ملک ہے۔ امریکا، روس ، برطانیہ ،فرانس اورچین جوہری صلاحیت کی حامل آبدوزیں رکھتے ہیں۔
خیال رہے کہ رواں سال 9مارچ کو ایک انہونا اور خطرناک واقعہ ہوا تھا،بھارت سے ایک سپرسانک میزائل 250 کلومیٹر کا فاصلہ طے کرکے پاکستان میں گرا تھا، بھارتی میزائل 40 ہزار فٹ کی بلندی پر پرواز کرتے ہوئے پاکستانی علاقے میں گرا تھا۔
