بھارتی شہر پونے میں ہونے والے میچ میں بھارت نے بنگلہ دیش کو شکست تو دیدی مگر بھارتی شائقین کرکٹ اپنی روایتی ہٹ دھرمی سے باز نہ آئے اور بنگالی شائقین کرکٹ کے ساتھ غیر مہذب رویہ اختیار کیا گیا۔
سوشل میڈیا پر ایک ویڈیو گردش کررہی ہے جس میں دیکھا جاسکتا ہے کہ اسٹیڈیم میں موجود بھارتی شائقین کرکٹ ایک بنگالی مداح سے ڈمی ٹائیگر چھین کر اسے اچھال رہے ہیں اور اس کی روئی بھی نکال دی گئی ہے۔
بنگلہ دیشی کرکٹ شائقین کا دعویٰ ہے کہ کچھ ہندوستانی شائقین نے شیر کی روئی نکالی جسے وہ بنگال ‘ٹائیگرز’ کو سپورٹ کرنے کے لیے میدان میں لائے تھے۔
بنگلہ دیشی حامی نے ایک ویڈیو بھی پوسٹ کی جس میں انہوں نے کہا کہ کبھی سوچا بھی نہیں تھا کہ ہندوستان آکر انہیں اس طرح کے تجربے کا سامنا کرنا پڑے گا۔ گزارش ہے کہ آئندہ کبھی ایسے واقعات رونما نہ ہوں۔
Another disrespectful incident.
Bangladesh's Tiger Shoaib was harassed by some Indian fans and his tiger was also torn apart. Such things are really not ideal. #CWC23 pic.twitter.com/kDjDfvuX1a
— Saif Ahmed (@saifahmed75) October 21, 2023
ایک بنگلہ دیشی پرستار شعیب علی نے جمعرات کو اپنے فیس بک اکاؤنٹ پر ایک ویڈیو پوسٹ کی۔ اس میں ہندوستانی کرکٹ ٹیم کی جرسی پہنے ایک شخص کو شیر کی دم پکڑ کر مارتے ہوئے دکھایا گیا ہے۔ ویڈیو میں دیکھا جاسکتا ہے کہ ٹائیگر کا کاٹن بھی باہر نکل آیا ہے۔
اگرچہ یہ واضح نہیں ہے کہ یہ منظر کس اسٹیڈیم کا ہے، لیکن شعیب کا دعویٰ ہے کہ ویڈیو پونے میں مہاراشٹر کرکٹ ایسوسی ایشن کی فیلڈ گیلری میں بناگئی تھی۔ ویڈیو میں بنگالی مداح روتے ہوئے لہجے میں اپنی داستان سنا رہا ہے۔
نیز، اس ویڈیو میں ہندوستانی جرسی پہنے ہوئے کچھ لوگ بھی بات کرتے ہوئے نظر آ رہے ہیں۔ ان میں سے ایک نے دعویٰ کیا کہ وہ کولکتہ کا رہائشی ہے۔ اس شخص نے کہا، ‘میں ہندوستان کا حامی ہوں۔ میرا گھر کولکتہ میں ہے۔ میرا پڑوسی ملک بنگلہ دیش ہے۔ ہم ان لوگوں سے معافی مانگتے ہیں کہ ان کے ساتھ ایسا ہوا ۔ اس بات کو یقینی بنانا چاہیے کہ مستقبل میں ایسا نہ ہو۔
ہندوستانی حمایتی ہونے کا دعویٰ کرنے والے ایک اور شخص نے بھی اسی لہجے میں بات کی۔ اس کے مطابق 90 فیصد شائقین اچھے ہیں۔ لیکن 10 فیصد شائقین کی وجہ سے باقیوں کو بھی برا سمجھا جاتا ہے۔
