نئی دہلی:بھارت کی روسی تیل کی درآمد جنوری میں ریکارڈ 1.4 ملین بیرل یومیہ تک پہنچ گئی، جو دسمبر کے مقابلے میں 9.2 فیصد زیادہ ہے۔
خبر رساں ادارے رائٹرز کے مطابق بھارت سب سے زیادہ تیل روس سے درآمدات کرتا ہے، اس کے بعد دوسرے نمبر پر سب سے زیادہ عراق سے خریدتا ہے۔
سعودی تجارتی ذرائع کے اعداد و شمار کے مطابق گزشتہ ماہ بھارت نے 5 ملین بی پی ڈی خام تیل درآمد کیا ، جس میں تقریباً 27 فیصد حصہ روسی تیل کا تھا۔
رپورٹ میں بتایا گیا ہے کہ بھارت کی تیل کی درآمدات میں عام طور پر دسمبر اور جنوری میں اضافہ ہوتا ہے کیونکہ سرکاری ریفائنرز حکومت کی طرف سے مقرر کردہ اپنے سالانہ پیداواری اہداف کو پورا کرنے کے بعد درآمد بند کر دیتے ہیں۔
بھارت نے روس اور یوکرین سے سستا خوردنی تیل درآمد کرلیا
رپورٹ کے مطابق روس اور یوکرین کی جنگ کے بعد سے بھارت نے روس سے سب سے زیادہ تیل خریدا ہے، یہی نہیں بھارت نے گزشتہ ماہ یوکرین سے بھی سورج مکھی کا تیل خریدا تھا۔
اعداد و شمار سے پتہ چلتا ہے کہ کینیڈا متحدہ عرب امارات کے بعد جنوری میں بھارت پانچویں سب سے بڑا سپلائر بن کر ابھرا۔
اپریل سے جنوری کے دوران اس مالی سال کے پہلے دس مہینوں کے دوران، عراق بھارت کو تیل فراہم کرنے والا سب سے بڑا ملک رہا، جبکہ روس دوسرا سب سے بڑا سپلائر بن گیا، جس نے سعودی عرب کی جگہ لے لی جو اب تیسرے نمبر پر ہے۔
