پینسلوانیا: امریکی جیل سے فرار خطرناک قاتل ڈینیلو سوزا کیولکانٹے کو پولیس نے دو ہفتے بعد ہیٹ سینسنگ ایئر کرافٹ کی مدد سے پکڑ لیا۔
غیر ملکی میڈیا رپورٹس کے مطابق امریکی ریاست پینسلوانیا کی جیل سے فرار ہونے والا قاتل ڈینیلو کیولکانٹے آخر کار بدھ کی صبح پولیس کے شکنجے میں آ ہی گیا، فرار کے دو ہفتے بعد پولیس نے اسے جنگل سے گرفتار کر لیا، قاتل کو ہیٹ سینسنگ ایئر کرافٹ اور سراغ رساں کتے کی مدد سے پکڑا گیا۔
برازیل سے تعلق رکھنے والے قیدی کیولکانٹے کو اپنی دوست کو اُس کے بچوں کے سامنے درجنوں بار چھرا گھونپ کر قتل کرنے کے جرم میں عمر قید کی سزا سنائی گئی تھی، اور وہ برازیل میں بھی قتل کے الزام میں مطلوب ہے۔
فرار قیدی کی گرفتاری کے لیے افسران کی ایک خصوصی ٹیم تشکیل دی گئی تھی، دو ہفتوں کے دوران مفرور قیدی خوراک کی اشیا کے لیے گھروں میں بھی گھسا اور لوگوں کو خوف زدہ کیا، اس نے حلیہ بھی بدل لیا تھا، اور ایک وین اور رائفل بھی چرائی۔
Video of convicted murderer Danelo Cavalcante escaping from Chester County Prison in Pennsylvania #viral #viral2023 #danelocavalcante #slickrick #catchthatfool pic.twitter.com/HWftbJV7Gx
— World Wide Vidz (@wwvidz) September 6, 2023
قانون نافذ کرنے والے اداروں کی تلاش میں ایک بڑا موڑ تب آیا جب تھرمل امیجنگ کیمرے سے لیس طیارے نے ڈینیلو کیولکانٹے کے بدن کی حرارت کا سگنل پکڑا، جس کے بعد زمین پر موجود ٹیموں نے علاقے کو محفوظ بنا کر اسے گھیر لیا اور کھوجی کتوں کے ساتھ جنگل میں اندر داخل ہوئے۔
DANELO CAVALCANTE CAPTURED: Law enforcement pose for a photo after capturing Danelo Cavalcante Wednesday morning. The Convicted killer had evaded capture for nearly two weeks after escaping Chester County prison.
FULL STORY: https://t.co/6AMvUEWaB2 pic.twitter.com/wbD8Hbkg9L
— FOX 29 (@FOX29philly) September 13, 2023
پنسلوانیا اسٹیٹ پولیس لیفٹیننٹ کرنل جارج بیونس نے ایک نیوز کانفرنس میں بتایا کہ اہلکار اتنی خاموشی سے اندر گئے کہ کیولکانٹے کو اس وقت تک احساس ہی نہیں ہوا جب تک وہ مکمل گھیرے میں نہ آیا۔ انھوں نے کہا ایک گھر کے مالک کے گیراج سے چوری کی گئی رائفل بدستور قیدی کے پاس موجود تھی، اور اس نے جھاڑیوں میں رینگتے ہوئے فرار ہونے کی کوشش کی لیکن ایک کھوجی کتے نے اسے قابو کر لیا۔