دبئی : ارشد شریف قتل کیس کی تحقیقات کرنے والی پانچ رکنی اسپیشل جے آئی ٹی یواےای پہنچ گئی، جہاں وہ ارشد شریف کے حوالے سے معلومات حاصل کرے گی۔
ارشدشریف قتل کیس کی تحقیقات کرنے والی پانچ رکنی اسپیشل جے آئی ٹی یواے ای پہنچ گئی۔
ٹیم یو اے ای میں ارشد شریف کے حوالے سے معلومات حاصل کرے گی اور ارشد شریف کی آخری دنوں کی ملاقاتوں اور رابطوں کی تفصیلات لے گی۔
اسپیشل جے آئی ٹی تین سے چار روز یواےای میں قیام کے بعد کینیا جائے گی، کینیا میں جے آئی ٹی جائے وقوع کیساتھ وقار اور اس کے بھائی سے بھی پوچھ گچھ کرے گی۔
دوسری جانب اسلام آباد میں سول سوسائٹی نے شہید ارشد شریف سے اظہار یکجہتی کا اظہار کیا ، نیشنل پریس کلب کے باہرمظاہرےمیں مرد، خواتین اوربچوں نے شرکت کی۔
مظاہرین نے ارشد شریف کے حق میں نعرے لگائے اور شہید کے لواحقین کو انصاف کی فوری فراہمی کا مطالبہ کیا۔
یاد رہے سپریم کورٹ نے صحافی ارشد شریف قتل کیس کی تحقیقات ایک ماہ میں مکمل کرنے کی ہدایت کرتے ہوئے کہا تھا کہ یہ حکومت کے لئے ٹیسٹ کیس ہے
