آئی فون بنانے والی امریکی کمپنی ایپل نے آئی فون ماڈل 12 سے متعلق کہا ہے کہ فون میں تابکاری کے مواد کا اخراج عالمی معیار کے عین مطابق ہے۔
یہ بات کمپنی ترجمان نے ایک فرانسیسی ریگولیٹر کی جانب سے فون سے تابکاری کے اخراج اور قوانین کی خلاف ورزی کی بنیاد پر سیٹ کی فروخت پر پابندی کے بعد اپنے ردعمل میں کہی۔
غیر ملکی خبر رساں ادارے کی رپورٹ کے مطابق امریکی کمپنی ایپل کے آئی فون 12 ہینڈ سیٹس سے خطرناک درجے میں برقی مقناطیسی تابکاری کے اخراج کی شکایت کے بعد فرانسیسی ریگولیٹر نے کمپنی کو ملک میں آئی فون 12 کی فروخت روک کر موجودہ ہینڈ سیٹس میں پائی جانے والی خامی کو فوری حل کرنے کی ہدایت کی ہے۔
فرانس میں ریڈیو فریکوئنسی کنٹرول کی ذمہ دار اے این ایف آر ریڈی ایشن واچ ڈاگ نامی ریگولیٹر کا کہنا ہے کہ تحقیق کے بعد بات سامنے آئی ہے کہ آئی فون 12 مقررہ حد سے زیادہ برقی مقناطیسی لہروں کو خارج کرتا ہے۔
ریگولیٹر ترجمان نے اپنی ہدایات میں واضح کیا کہ وہ ایپل اسٹورز اور دیگر تقسیم کاروں کے پاس ایجنٹ بھیجے گا تاکہ یہ چیک کیا جاسکے کہ ماڈل 12 اب فروخت ہو رہا یا نہیں۔ اس نے مزید کہا کہ احکامات پر عمل درآمد نہ ہونے کی صورت میں اب فروخت ہونے والے تمام موبائل فون سیٹ مارکیٹ سے اٹھوا لیے جائیںگے۔
یاد رہے کہ اے این ایف آر اس سے قبل اسی قسم کی رائے کا اظہار کرتے ہوئے کہ چکی ہے کہ اس نے ایپل کو 12 ستمبر سے فرانسیسی مارکیٹ سے آئی فون 12 کو ہٹانے کا حکم دیا کیونکہ یہ ماڈل حد سے زیادہ برقی مقناطیسی تابکاری جسم میں جذب ہوتی ہے۔
اطلاعات کے مطابق منظور شدہ لیبز کی جانچ کی پتہ چلا کہ آئی فون 12 کو جیب یا ہاتھ میں رکھنے سے 5.74 واٹ فی کلوگرام کے حساب سے برقی مقناطیسی توانائی جسم میں جذب ہو رہی ہے۔
