سابق امریکی صدر ڈونلڈ ٹرمپ نے اسرائیل کے خلاف ایران کے جوابی حملے پر امریکی صدر کو کری تنقید کا نشانہ بنایا ہے۔
سابق امریکی صدر ڈونلڈ ٹرمپ نے ایک سوشل میڈیا ایپ پر جاری کردہ بیان میں کہا کہ ’اگر میں صدر ہوتا تو اسرائیل پر ایران کا حملہ نہ ہوتا‘۔
سابق امریکی صدر نے لکھا کہ اسرائیل پر حملہ ہوا ہے، ایسا کبھی نہیں ہونے دیا جانا چاہیے تھا، سب جانتے ہیں اگر ہم اقتدار میں ہوتے تو ایسا نہ ہوتا۔
انہوں نے کہا بائیڈن کی ناقص پالیسیوں کا خمیازہ امریکی قوم بھگت رہی ہے، صدر جو بائیڈن نہیں جانتے وہ کیا کر رہے ہیں، جو کچھ ہو رہا ہے وہ ہمیں عالمی جنگ کی طرف لے جا سکتا ہے۔
امریکی صدر جو بائیڈن نے اسرائیلی وزیرِ اعظم نیتن یاہو کو صاف صاف بتا دیا کہ ایران پر جارحانہ آپریشن میں حصہ نہیں لیں گے۔
Comments
- Advertisement -
