بولی وڈ دنیا کی چند بڑی فلمی صنعتوں میں سے ایک ہے مگر کیا وہاں کے ہدایتکار اور رائٹرز اوریجنل کام بھی کرتے ہیں؟
ویسے یہ کہنا تو غلط ہوگا کہ سب بولی وڈ فلمیں ہی غیرملکی یا ہولی وڈ فلموں کی نقل ہوتی ہیں، یقیناً وہاں اپنی صلاحیت یا اوریجنل فلمیں بھی بنتی ہیں مگر اکثر بولی وڈ فلموں کا مرکزی خیال لے کر فلم بنائی جاتی ہے۔
تاہم اب بالی وڈ کی اداکارہ ودیا بالن 3 سال کے بعد بڑے پردے پر واپسی آرہی ہیں لیکن یہ کہا جارہا ہے کہ ان کی نئی فلم ’ نیت‘ بالی وڈ کی فلم کا چربہ ہے۔
View this post on Instagram
ودیا بالن کی نئی فلم ‘نیت کا پری ٹیزر جاری کیا گیا ہے جسے سوشل میڈیا صارفین نے آڑے ہاتھوں لیتے ہوئے اس پر تنقید کے نشتر برساتے ہوئے اسے ہالی وڈ فلم ’نائیوز آؤٹ‘ کاچربہ قرار دیا ہے۔
بڑے پردے پر واپسی، ودیا بالن کی نئی فلم کا ٹیزر جاری
فلم سسپنس سے بھرا ہوا ہے، 17 سکینڈ کے ٹیزر میں آگ، پانی اور گھڑی دیکھا گیا ہے، ٹیزر میں سنا جاسکتا ہے کہ لوگوں تیار ہو جاؤ۔
View this post on Instagram
اس فلم میں اداکارہ ودیا بالن ایک جاسوس کا کردار ادا کررہی ہیں، فلم کا پلاٹ ایک ایسے جاسوس پر مرکوز ہے جو ایک ارب پتی کی مشکوک پارٹی میں پراسرار قتل کی تحقیقات کررہی ہے جہاں تمام مشتبہ افراد ایک یا دو راز چھپاتے نظر آتے ہیں۔
جبکہ 2019 میں ریلیز ہونے والی ہالی وڈ فلم ’ نائیوز آؤٹ کی کہانی بھی کچھ اس طرح کی تھی، اس فلم میں مرکزی کرادار بھی جاسوس کا تھا، جو ایک ناول نگار کی موت اور اس کے پریشان کن خاندان کا جھوٹ پکڑتی ہے جو ایک دوسرے سے کئی راز چھپائے پھرتے تھے۔
اس فلم میں بالی وڈ کی اداکارہ ودیا بالن سمیت رام کپور، پراجکتا کولی، راہول بوس، شاہانہ گوسوامی، دیپنیتا شرما اور دیگر شامل ہیں۔
سسپنس تھرلر فلم نیت 17 جولائی کو تھیٹر کی زینت بنے گی، اس فلم کو پریا وینکٹارمن، گیروانی دھیانی نے لکھا ہے اس فلم کے ڈائریکٹر انو ہے۔
