عمان: شناختی کارڈز کا اجرا عارضی طور پر معطل

مسقط: سلطنت عمان میں میونسپل کاؤنسل کے انتخابات کی وجہ سے 18 اور 25 دسمبر 2022 کو شناختی کارڈ کے اجرا کی سروس عارضی طور پر معطل رہے گی۔

مقامی میڈیا کے مطابق رائل عمان پولیس نے اعلان کیا ہے کہ میونسپل کاؤنسلرز کی تیسری مدت کے الیکشن کے دنوں میں شناختی کارڈ جاری کرنے کے عمل کو عارضی طور پر معطل کیا جائے گا۔

رائل پولیس کا کہنا ہے کہ اس دوران نئے شناختی کارڈ کے اجرا، تجدید یا پرانے کارڈ کی جگہ نئے کارڈ کے اجرا کا عمل معطل رہے گا۔

رائل پولیس کے مطابق پولنگ کے اوقات کے دوران 18 دسمبر کو سلطنت سے باہر رہنے والے شہریوں کے لیے اور 25 دسمبر کو سلطنت کے اندر موجود شہریوں کے لیے یہ سروس معطل رہے گی۔

Comments