کولمبو: سری لنکن اسپنر پربھات جے سوریا نے ٹیسٹ کرکٹ کا اکہتر سالہ ریکارڈ پاش پاش کردیا۔
میڈیا رپورٹ کے مطابق دائیں ہاتھ سے بولنگ کرنے والے سری لنکن اسپنر نے صرف سات ٹیسٹ میچز کھیل کر 50 وکٹیں اپنے نام کی اور ٹیسٹ کرکٹ کا 71 برس پرانا ریکارڈ توڑ دیا۔
انہوں نے یہ تاریخی کارنامہ گال میں کھیلے جارہے آئرلینڈ کے خلاف دوسرے ٹیسٹ میں حاصل کیا، پربھات جے سوریا نے دوسری اننگز میں دو وکٹیں لے کر دنیا کے تیز ترین 50 ٹیسٹ وکٹیں لینے والے کھلاڑی بنے، انہوں نے یہ کارنامہ اپنے ساتویں ٹیسٹ کی تیرہوں اننگز میں انجام دیا، اس سے قبل یہ ریکارڈ ویسٹ انڈیز کے اسپنر الف ویلنٹائن کے نام تھا۔
Prabath Jayasuriya storms into the record books as the quickest 🏎️💨 Spinner and the quickest Sri Lankan to reach 50 Test wickets,🔥 joining the ranks of the second-fastest players in Test cricket history! 🏏🎉
Jayasuriya hit the 50-wicket mark in just his seventh Test to snatch… pic.twitter.com/Jq6Ia2mZV0
— Sri Lanka Cricket 🇱🇰 (@OfficialSLC) April 28, 2023
ویلنٹائن نے یہ ریکارڈ اکتیس دسمبر انیس سو اکاون میں اپنے کیرئیر کے آٹھویں ٹیسٹ میں حاصل کیا تھا۔
اس سے قبل جنوبی افریقی فاسٹ باؤلر ورنن فلینڈر اور انگلینڈ کے باؤلر ٹام رچرڈسن نے اپنے ساتویں میچ میں 50 وکٹیں حاصل کیں تھیں۔
واضح رہے کہ جے سوریا نے اپنے ڈیبیو کے بعد سے تقریباً ہر میچ میں غیر معمولی کارکردگی کا مظاہرہ کیا، وہ جولائی دو ہزار بائیس میں آسٹریلیا کے خلاف ٹیسٹ کی ہر اننگز میں چھ وکٹیں لینے والے دنیا کے چوتھے بولر بھی ہیں۔
جے سوریا اپنے ٹیسٹ کیرئیر میں ایک اننگز میں چھ بار 5 وکٹیں جبکہ دوبار میچ میں دس وکٹیں بھی حاصل کرچکے ہیں، اکتیس سالہ جے سوریا صرف چھ ٹیسٹ کے بعد آئی سی سی ٹیسٹ بولنگ رینکنگ میں انیسویں نمبر پر ہیں۔
یاد رہے کہ ٹیسٹ کرکٹ میں تیز ترین 50 وکٹیں لینے کا ریکارڈ آسٹریلیا کے فاسٹ باؤلر چارلی ٹرنر کے پاس ہے، انہوں نے سنہ 1888 میں انگلینڈ کے خلاف اپنے چھٹے ٹیسٹ میچ میں 50 ٹیسٹ وکٹیں لینے کا ریکارڈ قائم کیا تھا۔
