اسلام آباد : جے یو آئی کے مولانا عبدالغفور حیدری اور مسلم لیگ ن کی سینیٹر نزہت صادق نے سینیٹ کی نشست سے مستعفی ہوگئے۔
تفصیلات کے مطابق جے یو آئی کے مولاناعبدالغفور حیدری سینیٹ کی نشست سے مستعفی ہوگئے، عبدالغفورحیدری نے اپنا استعفی چیئرمین سینیٹ صادق سنجرانی کوپیش کردیا۔
چیئرمین سینیٹ نے مولاناعبدالغفور حیدری کااستعفیٰ منظورکرلیا اور اس حوالے سے نوٹیفکیشن جاری کردیا گیا ہے۔
جے یو آئی کے مولاناعبدالغفور حیدری بطور رکن قومی اسمبلی آج حلف اٹھائیں گے۔
دوسری جانب مسلم لیگ ن کی سینیٹرنزہت صادق بھی سینیٹ کی نشست سے مستعفی ہوگئیں ، نزہت صادق نے اپنا استعفیٰ چیئرمین سینیٹ صادق سنجرانی کو پیش کردیا، صادق سنجرانی نے سینیٹرنزہت صادق کا استعفیٰ منظورکرلیا ہے۔
مسلم لیگ ن کی سینیٹرنزہت صادق بطور رکن قومی اسمبلی حلف لیں گی۔
خیال رہے سولویں قومی اسمبلی کا افتتاحی اجلاس آج ہونے جارہا ہے، اجلاس اسپیکر قومی اسمبلی راجا پرویز اشرف کی زیر صدارت ہوگا، جس میں نو منتخب ارکان قومی اسمبلی حلف اٹھائیں گے، اجلاس میں تلاوت کلام پاک اور نو منتخب ارکان کی حلف برداری ہو گی۔
