ممبئی: اکثر اپنے متنازع بیانات کی وجہ سے خبروں میں رہنے والی بالی وڈ اداکارہ کنگنا رناوت کی فلم ’ایمرجنسی‘ کی ریلیز کی تاریخ سامنے آگئی۔
بالی وڈ ہنگامہ کی رپورٹ کے مطابق کنگنا رناوت اپنی فلم ’ایمرجنسی‘ میں بھارت کی سابق وزیر اعظم اندرا گاندھی کا کردار نبھانے کیلیے تیار ہیں۔
فلم کو پہلے 24 نومبر 2023 کو ریلیز کیلیے شیڈول کیا گیا تھا لیکن اب اس کی ریلیز کی نئی تاریخ سامنے آئی ہے جس کے مطابق یہ 14 جون 2024 کو سینما گھروں کی زینت بنے گی۔
اس عید الضحیٰ پر باکس آفس پر کنگنا رناوت کی فلم کا ٹکراؤ بالی وڈ اداکار کارتک آریان کی فلم ’چندو چیمپئن‘ سے ہوگا۔
Unlock the story behind India’s darkest hour. Announcing #Emergency on 14th June, 2024.
Witness history come alive as the most feared & fiercest Prime Minister #IndiraGandhi thunders into cinemas. #Emergency in cinemas on 14th June, 2024.@KanganaTeam @AnupamPKher… pic.twitter.com/lo0J2h4S10
— Zee Studios (@ZeeStudios_) January 23, 2024
زی اسٹوڈیو نے آج سماجی رابطوں کی ویب سائٹ ایکس پر فلم کا پوسٹر جاری کیا جس میں کنگنا رناوت کو اندرا گاندھی کے روپ میں دیکھا جا سکتا ہے۔ پوسٹ میں لکھا ہے کہ بھارت کے تاریک ترین زمانے کے پیچھے کی کہانی کو افشا کریں۔
کنگنا رناوت نے اپنے آفیشل انسٹاگرام اکاؤنٹ سے فلم کی ایک جھلک شیئر کی جس میں 1975 کے کچھ مناظر دکھائے گئے ہیں۔ اس میں اداکارہ کہتی ہیں ’مجھ میرے ملک کی حفاظت کرنے سے کوئی نہیں روک سکتا کیونکہ انڈیا اندرا ہے اور اندرا انڈیا ہے۔‘
’ایمرجنسی‘ کی ہدایت کار خود کنگنا رناوت ہیں جس میں وہ اندرا گاندھی کا کردار ادا کرتے ہوئے نظر آئیں گی۔ خیال رہے کہ ان کی حال میں ریلیز ہونے والی فلم ’تیجس‘ باکس آفس پر بُری طرح ناکام ہوئی۔
View this post on Instagram
