کراچی چڑیا گھر میں موجود بیمار ہتھنی نور جہاں کی طبیعت بدستور خراب ہے۔
تفصیلات کے مطابق کراچی چڑیا گھر میں بیمار ہتھنی نورجہاں کا علاج جاری ہے لیکن تاحال حالت سنبھل نہیں سکی۔
ڈائریکٹر زو کا کہنا ہے کہ ہتھنی کی حالت میں اتار چڑھاؤ ہے لیکن گذشتہ چند دنوں سے بہت تیز بہتری کی صورت نہیں آئی، ہتھنی کی پوزیشن بھی تبدیل کروائی جاتی ہے۔
- Advertisement -
ڈائریکٹر کا کہنا ہے کہ ہتھنی کو ملٹی وٹامنز ڈرپس اور اینٹی بائیٹکس ادویات دی جارہی ہیں، نورجہاں کو صحتمند کرنے کے لئے تمام تر اقدامات کئے جارہے ہیں۔
ڈائریکٹر زو نے بتایا کہ ڈاکٹرز نورجہاں کی صحت کے حوالے سے فورپاز سے مسلسل رابطہ میں ہیں اور ہتھنی کے ڈاکٹرز کی ہدایات پر عمل کر رہے ہیں، فور پاز ٹیم کی 23 اپریل تک آمد متوقع ہے۔
