The news is by your side.

Advertisement

کراچی میں‌ داماد نے ساس اور بیوی کو قتل کردیا

میٹروول میں فائرنگ سے 2 بچے زخمی، اسپتال منتقل

کراچی: شہر قائد کے علاقے بلدیہ ٹاؤن میں داماد نے گھر میں گھس کر فائرنگ کردی جس کے نتیجے میں ساس اور بیوی جاں بحق ہوگئیں۔

اے آر وائی نیوز کی رپورٹ کے مطابق کراچی کے علاقے بلدیہ ٹاؤن میانوالی کالونی میں گھریلو ناچاقی پر ایک شخص نے بیوی اور ساس کو فائرنگ کرکے قتل کردیا، ایس پی بلدیہ شہلا قریشی کے مطابق ملزم فرار ہوگیا جس کی تلاش میں چھاپے مارے جارہے ہیں۔

ایس پی بلدیہ کے مطابق لڑکی کی شادی ملزم حمزہ سے دو سال قبل ہوئی تھی، 25 سالہ بیوی وجیہہ ناراض ہوکر والدہ کے گھر آگئی تھی، ملزم نے پہلے ساس کو قتل کیا، دوسرے کمرے میں جاکر بیوی پر بھی فائرنگ کردی۔

پولیس کا کہنا ہے کہ لاشوں کو ضابطے کی کارروائی کے لیے اسپتال منتقل کردیا گیا ہے۔

ادھر میٹروول میں فائرنگ سے 2 بچے زخمی ہوگئے، زخمی بچوں میں ساڑھے تین سال کا صمد اور انیلا شامل ہیں، زخمی بچوں کو طبی امداد کے لیے اسپتال منتقل کردیا گیا ۔

پولیس کا کہنا ہے کہ گھر میں پستول صاف کرتے ہوئے گولی چلنے سے دونوں بچے زخمی ہوئے، ملزم کو گرفتار کرلیا گیا ہے، تفتیش کررہے ہیں کہ غلطی سے گولی چلنے سے بچے کیسے زخمی ہوگئے۔

دوسری جانب کراچی کے علاقے سپر ہائی وے جمالی پل کے قریب مبینہ پولیس مقابلے میں ڈاکو ہلاک ہوگیا، ایس ایس پی ساجد سدوزئی کا کہنا ہے کہ ملزم نے شہری سے تین لاکھ سے زائد رقم چھینی تھی، ہلاک ملزم سے اسلحہ، موٹر سائیکل، موبائل فون ملا ہے۔

 

Comments

یہ بھی پڑھیں