کراچی : شاہراہ فیصل پر قائم کراچی پولیس آفس پر حملے کے بعد قانون نافذ کرنے والے ادارے کے اہلکاروں نے دہشت گردوں کو ہلاک کرکے عمارت کو کلیئر قرار دے دیا۔
کراچی : کے پی او حملہ میں فائرنگ سے زخمی ہونے والوں کو جناح اسپتال میں طبی امداد کی فراہمی کیلئے منتقل کیا گیا تھا۔
اس حوالے سے جناح اسپتال انتظامیہ نے شہداء اور زخمیوں کی فہرست جاری کردیہے جس کے مطابق حملے میں پولیس اہلکار سمیت 2افراد شہید جبکہ پولیس و رینجرز کے12جوان زخمی ہوئے۔
شہید ہونے والوں میں30سالہ پولیس اہلکار غلام عباس اور37سالہ خاکروب اجمل جان کی بازی ہار گیا، زخمیوں میں6رینجرز اہلکار،5پولیس اہلکار اور ایک ایدھی رضاکار شامل ہے۔
جناح اسپتال کی جاری فہرست کے مطابق دو افراد شہید رینجرز اور پولیس افسران اور جوانوں سمیت بارہ زخمی ہوگئے۔
جن میں30 سالہ پولیس اہلکار غلام عباس شہید جبکہ 37سالہ خاکروب اجمل میسحی ولد سلیم مسیح ڈیوٹی کے دوران جاں بحق ہوا۔
6رینجرز اہلکار زخمی ہوئے جن میں طاہر ولد امجد عمر 26 سال، عبدالرحیم ولد شان محمد عمر 40 سال، عمران ولد یونس عمر 35 سال، آفتاب ولد عبدالنبی عمر30سال، عمیر ولد نامعلوم اور محمد لطیف ولد فیال بادشاہ عمر 28 سال شامل ہیں۔
فہرست کے مطابق زٰخمی ہونے ہونے والے پولیس اہلکار و افسران میں عبدالطیف ولد محمد نواز عمر 50سال، حاجی عبدالرزاق ولد نامعلوم عمر55 سال، عبدالخالق ولد بندو خان عمر48سال، رضوان ولد غلام مشتاق پولیس کانسٹیبل ایس ایس یو، ضراب ولد نامعلوم ہیڈ کانسٹیبل شامل ہیں اس کے علاوہ زخمیوں میں ایدھی رضاکار ساجد بلوچ ولد حنیف عمر28سال شامل ہے۔
جناح اسپتال کی انتظامیہ کے مطابق اسپتال میں مجموعی طور پر4 افراد کی لاشیں لائی گئی ہیں، جس میں شہید رینجرز اہلکار کی شناخت24سالہ تیمور کے نام سے ہوئی، شہید پولیس اہلکار کی شناخت30 سالہ غلام عباس کے نام سے ہوئی، اور ایک عام شہری کی شناخت37سالہ امجد کے نام سے ہوئی جو کے پی او میں خاکروب تھا، اس کے علاوہ 25سالہ نامعلوم شخص کی تاحال شناخت نہیں ہوسکی ہے۔
