کراچی میں اسٹریٹ کریمنلز ناکہ لگا کر لوگوں کو لوٹتے رہے، ایک شہری نے بھاگنے کی کوشش کی تو ملزم نے گولی چلادی۔
تفصیلات کے مطابق کراچی کے علاقے کورنگی زمان ٹاؤن میں اسٹریٹ کرمنلز نے ناکہ لگا کر متعدد شہریوں کو لوٹ لیا۔ 2 موٹر سائیکل پر سوار 4 ملزمان نے گلی میں لوٹ مار کے دوران ناکہ لگایا۔
ڈاکوؤں کی ناکہ لگا کر لوٹ مار کی سی سی ٹی وی فوٹیج بھی سامنے آگئی ہے۔ چار ملزم موٹرسائیکل سے اترے اور انھوں نے گلی میں لوگوں کو لوٹنے کے لیے ناکہ لگالیا۔
- Advertisement -
جو شخص وہاں سے گزرا ملزمان اس کو لوٹتے رہے، ایک شخص نے وہاں سے بھاگنے کی کوشش کی تو اس پر ایک ڈاکو نے گولی چلادی۔
کورنگی زمان ٹاؤن میں ہونے والی یہ پوری واردات سی سی ٹی وی کیمرے میں ریکارڈ ہوگئی، حکومتی دعوؤں کے باوجود کراچی کے شہریوں کا کوئی پرسان حال نظر نہیں آتا۔
