پشاور: محکمہ انسداد دہشت گردی (سی ٹی ڈی) نے خیبر میں علی مسجد پر دھماکا کرنے والے خودکش حملہ آور اور سہولتکار کے خاکے تیار کرلیے۔
تفصیلات کے مطابق خیبر پختونخوا کے ضلع خیبر میں مسجد خودکش حملے کی تحقیقات میں پیشرفت ہوئی۔
محکمہ انسداد دہشت گردی (سی ٹی ڈی) نے خیبر مسجد خودکش حملہ آور اور سہولتکار کے خاکے تیار کرلیے اور کہا سہولتکارعبداللہ عرف سلمان سے متعلق اطلاع پرنقدانعام دیا جائے گا۔
سی ٹی ڈی کا کہنا تھا کہ سہولتکار کی اطلاع دینےوالے کا نام صیغہ راز میں رکھا جائے گا، خودکش حملہ آور کانام انصارعرف ابوزر کی مونچھیں اور داڑھی تھی۔
ترجمان نے کہا کہ خودکش حملہ اورکوسہولتکار نےجیکٹ اورروسی ساختہ کلاشنکوف دی۔
گذشتہ روز خیبر پختونخوا کے ضلع خیبر میں علی مسجد کے اندر ہونے والے خودکش دھماکے کے 8 سہولت کاروں کو گرفتار کر لیا گیا تھا۔
ڈی آئی جی سی ٹی ڈی سہیل خالد نے پریس کانفرنس میں بتایا تھا کہ علی مسجد خود کش دھماکے میں ملوث 8 سہولت کار گرفتار کر لیے، کالعدم تحریک طالبان پاکستان (ٹی ٹی پی) نے حملے سے لاتعلقی ظاہر کی لیکن تحقیقات کے مطابق وہ اس دھماکے میں ملوث ہے۔
سہیل خالد کا کہنا تھا کہ گرفتار ملزمان سے خودکش جیکٹ، اسلحہ اور آئی ای ڈی بنانے کا سامان ملا ہے، حملہ آورافغانستان سے آیا جس کا نام انصار تھا، سہولت کاروں سے افغان سم، جہاد پمفلٹ و دیگر دستاویز برآمد ہوئیں۔
