لاہور : پولیس نے شاہدرہ ٹاؤن سے اغوا ہونے والی دو کمسن بچیوں کو بازیاب کراکے تین ملزمان کو گرفتار کرلیا۔
تفصیلات کے مطابق پنجاب کے دارلحکومت لاہور کے علاقے شاہدرہ ٹاؤن سے اسلحہ کے زور پر دو کمسن بچیوں کا اغوا کرلیا گیا۔
پولیس نے بتایا کہ 3ملزمان لڑکیوں کوبندروڈایک ڈیرےپرلےگئے، جہاں ملزمان نےبچیوں سےمبینہ زیادتی کی کوشش کی۔
پولیس نے کارروائی کرتے ہوئے ملزمان کو ڈیرے سے گرفتار کر کے بچیوں کوبازیاب کرالیا ، مغوی بچیوں کی عمریں 9اور12سال ہیں۔
حکام کے مطابق ملزمان میں شہزاد، طارق اور شہزاد شامل ہیں ، ان کے قبضے سے اسلحہ بھی برآمد کر لیا گیا۔
یاد رہے رواں ماہ کے آغاز میں خان پور میں سٹی کی حدود ماڈل ٹاون سے ڈرائیور کے ساتھ اسکول جانے والے دو بچوں کو اغوا کرلیا گیا تھا۔
بعد ازاں پولیس نے رحیم یار خان کی تحصیل خان پور میں اسکول جاتے ہوئے اغوا ہونے والے دونوں بچوں کو بہاولپور بازیاب کرایا تھا۔
