کوٹلی: آزاد کشمیر میں ناڑ کے مقام پر زائرین کی بس کھائی میں جا گری، حادثے میں 9 افراد جاں بحق ہو گئے ہیں۔
تفصیلات کے مطابق آزاد کشمیر میں کوٹلی کے قریب ایک بد قسمت بس کھائی میں گرنے سے نو افراد جاں بحق جب کہ متعدد افراد زخمی ہو گئے ہیں۔
ریسکیو ذرائع کا کہنا ہے کہ بس میں 35 سے زائد زائرین سوار تھے، زائرین کی بس سدھنوتی میں نیریاں شریف عرس میں شرکت کے بعد واپس گوجرانوالہ جا رہی تھی۔
ریسکیو ذرائع کے مطابق حادثہ کوٹلی کی حدود تھانہ ناڑ پوٹھہ جراہی کے مقام پر ہوا ہے۔
ادھر شیخوپورہ میں موٹر وے پر فیض پور انٹرچینج کے قریب ایک بس الٹ گئی، جس میں 4 افراد جاں بحق، 30 سے زائد زخمی ہو گئے، حادثے کی شکار بس ملتان سے سیالکوٹ جا رہی تھی۔
Comments
- Advertisement -
