لاہور: چیئرمین تحریک انصاف عمران خان کی گرفتاری کے خدشے کے پیش نظر کارکنان کو ایک بار پھر الرٹ جاری کردیا گیا ہے۔
اس حوالے سے ذرائع کا کہنا ہے کہ زمان پارک میں اہم رہنماؤں کی ہنگامی ملاقات جاری ہے، پی ٹی آئی کارکنان کو آج رات پھر الرٹ رہنے کی ہدایت جاری کی گئی ہے۔
زمان پارک میں ایک بار پھر ہائی الرٹ جاری کردیا گیا، کارکنوں کو فوری پہنچنے کی ہدایت- @MuradSaeedPTI #زمان_پارک_پہنچو
pic.twitter.com/3AylubvM7C— PTI (@PTIofficial) February 17, 2023
پی ٹی آئی کے رہنما میاں اسلم اقبال نے اے آر وائی نیوز سے گفتگو کرتے ہوئے کہا ہے کہ اطلاع ملی ہے کہ آج رات کے کسی پہر پولیس ریڈ کیا جائے گا۔ میاں اسلم اقبال نے تحریک انصاف کے تمام کارکنان سے درخواست کی ہے زمان پارک پہنچیں۔
زمان پارک میں ایک بار پھر ہائی الرٹ جاری کردیا گیا، کارکنوں کو فوری پہنچنے کی ہدایت- #زمان_پارک_پہنچو pic.twitter.com/o4XiXvH7fX
— PTI (@PTIofficial) February 17, 2023
سوشل میڈیا پر عمران خان کی گرفتاری کی افواہیں
دوسری جانب پی ٹی آئی رہنما حماد اظہر نے بھی اپنے ٹوئٹر پیغام میں کارکنان سے اپیل کی ہے کہ وہ جلد از جلد زمان پارک پہنچیں۔