چمکنی موٹر وے پر گاڑی سے بڑی تعداد میں اسلحہ برآمد، ملزمان فرار

پشاور: خیبر پختون خوا میں چمکنی موٹر وے پر گاڑی سے بڑی تعداد میں اسلحہ برآمد ہو گیا۔

تفصیلات کے مطابق پشاور پولیس نے اسلحہ اسمگلنگ کی کوشش ناکام بنا دی، چمکنی موٹر وے پر ایک مشکوک گاڑی سے بھاری مقدار میں اسلحہ برآمد ہوا ہے۔

ایس ایس پی آپریشن ہارون الرشید کے مطابق چمکنی موٹر وے پر مشکوک گاڑی کو روکا گیا تو ملزمان نے فائرنگ کر دی، پولیس کے تعاقب کرنے پر ملزمان گاڑی چھوڑ کر فرار ہو گئے۔

تلاشی پر گاڑی سے مختلف بور کی 111 پستولیں، 12 بور کی 13 بندوقیں برآمد ہوئیں، 2 کلاشنکوف، 3 عدد 30 بور اور ایک 223 بور سمیت 14 ہزار سے زائد کارتوس بھی برآمد ہوئے۔

ایس ایس پی کے مطابق ملزمان کی گرفتاری کے لیے مختلف روٹس کی فوٹیج کا جائزہ لیا جا رہا ہے۔

Comments