کراچی: مسافر طیاروں پر لیزر لائٹ مارنے کے واقعات سامنے آئے ہیں، اے آر وائی نیوز پر خبر نشر ہونے پر انتظامیہ متحرک ہوگئی۔
تفصیلات کے مطابق اے آر وائی نیوز پر مسافر طیاروں پر لیزر لائٹ مارنے کی خبر نشر ہوئی تھی، جس کے بعد سول ایوی ایشن حرکت میں آگئی اور 28 ستمبر کو ضلعی انتظامیہ کا اجلاس طلب کر لیا گیا ہے۔
ایسی آبادیاں جو ایئرپورٹ کے اطراف میں واقع ہیں وہاں سرچ لائٹس کے خلاف کارروائی کی ہدایت کی گئی ہے۔ ریسٹورنٹ، شاپنگ مالز پر لگی بڑی سرچ لائٹس کے خلاف بھی کارروائی کی جائے گی۔
- Advertisement -
ایئرپورٹ انتظامیہ نے کہا ہے کہ پولیس انتظامیہ اور ڈپٹی کمشنر لائٹس سے متعلق کردارادا کریں۔ ایک ہفتے میں اس طرح کے 6 سے زائد واقعات رپورٹ ہو چکے ہیں،
اس حوالے سے ایئرپورٹ انتظامیہ کا مزید کہنا تھا کہ لیزر اور بڑی لائٹس کے استعمال سے طیاروں کو خطرات لاحق ہوسکتے ہیں۔
