اسلام آباد: پیپلزپارٹی کے سینئر وکیل لطیف کھوسہ کا کہنا ہے کہ عدلیہ سے تصادم مسلم لیگ ن کا وتیرہ ہے ، ن لیگ پہلے مٹھائیاں بانٹتی ہے پھر خیال آتا ہے فیصلہ خلاف ہے۔
تفصیلات کے مطابق پیپلزپارٹی کے سینئر وکیل لطیف کھوسہ نے سپریم کورٹ میں صحافیوں سے گفتگو کی ، اس دوران صحافی نے سوال کیا کہ ازخودنوٹس پرچیف جسٹس کےاختیارات میں قانون سازی کی جارہی کیاکہیں گے؟
جس پر لطیف کھوسہ کا کہنا تھا کہ یہ جوبل لائےہیں اس کی ٹائمنگ ٹھیک نہیں ہے، اپیل کاحق دینےکیلئےآرٹیکل184/3میں اپیل کی شق کیلئے ترمیم کرنی پڑے گی۔
پیپلزپارٹی کے سینئر وکیل کا کہنا تھا کہ نظرثانی میں اپیل کا حق دینے کیلئے بھی آئینی ترمیم ضروری ہے، قانون سازی کرکےایسی ترامیم نہیں کی جا سکتیں، جو قانون سازی کی جا رہی یہ عدلیہ پر قدغن لگانےکےمترادف ہے۔
صحافی نے سوال کیا کہ سپریم کورٹ کافیصلہ تین چاریاتین دوسےتھا؟ تو پیپلزپارٹی کے سینئر وکیل نے کہا کہ جوارکان بینچ کاحصہ ہی نہیں تھےان کی رائےفیصلےمیں کیسےشامل ہوسکتی۔
ان کا کہنا تھا کہ مریم نوازاورن لیگ کاوطیرہ ہےہمیشہ عدلیہ پرحملہ کیاہے، پہلےمٹھائیاں بانٹتے ہیں پھر سمجھ آتی ہےکہ فیصلہ خلاف آیا ہے۔
گذشتہ روز ماہرقانون لطیف کھوسہ نے کہا تھا کہ حکومت خاطر جمع رکھے سپریم کورٹ سے اس کی اجازت نہیں ملے گی،جب میں بل لایا تھا سپریم کورٹ کے رجسٹرار نے کہا تھا حکومت کو اس کا اختیار نہیں ہے۔
