محبت ایک آفاقی زبان ہے جو ہر جاندار کے بیچ ایک انوکھا رشتہ قائم کردیتی ہے، یہ محبت ہی ہے جو خونخوار جانور بعض اوقات انسانوں کو نقصان پہنچانے کے بجائے ان کے محافظ بن جاتے ہیں۔
سوشل میڈیا پر اکثر ایسی ویڈیوز وائرل ہوتی ہیں جن میں جنگل کے بادشاہ شیر کو اس انسان کے گلے لگتے اور پیار کرتے دیکھا جاسکتا ہو جس نے ان سے محبت کا سلوک کیا ہو۔
ایسی ہی ایک اور ویڈیو نے سوشل میڈیا صارفین کا دل موہ لیا۔
سماجی رابطے کی ویب سائٹ ٹویٹر پر وائرل ایک ویڈیو میں دیکھا جاسکتا تھا کہ دو قوی الجثہ شیرنیاں جنگلے کی طرف دوڑی چلی آرہی ہیں جہاں ایک خاتون کھڑی ہیں۔
ان کے پاس پہنچ کر دونوں شیرنیاں بچوں کی طرح خاتون سے لپٹ جاتی ہیں اور انہیں پیار کرنے لگتی ہیں۔
Reunited 💙pic.twitter.com/taeDrr317i
— CCTV_IDIOTS (@cctv_idiots) March 4, 2023
ان خاتون نے دراصل ان دونوں شیرنیوں کو اس وقت پالا تھا جب وہ چھوٹی تھیں اور اپنا تحفظ اور خوراک کا بندوبست نہیں کرسکتی تھیں۔
ان کے بڑے ہونے کے بعد انہیں شیروں کے لیے مخصوص پناہ گاہ میں چھوڑ دیا گیا تھا جہاں خاتون ان سے ملنے آئیں تو دونوں شیرنیاں جذبات سے مغلوب ہو کر ان کے گلے جا لگیں۔