لوئس ویل: کینٹکی کے شہر لوئس ویل میں واقع ایک بینک میں فائرنگ سے کم از کم 5 افراد ہلاک اور 6 دیگر زخمی ہو گئے۔
امریکی میڈیا رپورٹس کے مطابق پیر کی صبح امریکی ریاست کینٹکی کے شہر لوئس ویل میں ایک شخص نے اندھا دھند فائرنگ کر کے 5 افراد کو ہلاک کر دیا۔
فائرنگ کا واقعہ مضافاتی علاقے ایسٹ مین اسٹریٹ پر واقع ایک عمارت میں پیش آیا جس میں اولڈ نیشنل بینک واقع ہے، لوئس ول میٹرو پولیس ڈیپارٹمنٹ کے ڈپٹی پولیس چیف پال ہمفری نے بتایا کہ اہل کاروں نے فائرنگ کرنے والے مشتبہ شخص کو بھی موقع پر ہی گولی مار کر ہلاک کر دیا۔
BREAKING: An active shooting is underway at and around the Old National Bank in downtown Louisville. Details:
– Authorities say this is another 'Mass casualty incident'. Multiple casualties confirmed.
– Officers heard yelling: “Active shooter at the bank” as he told traffic… pic.twitter.com/YRsVRzWcGq
— Brian Krassenstein (@krassenstein) April 10, 2023
ڈپٹی چیف نے کہا کہ پولیس کو صبح ساڑھے 8 بجے کے قریب اولڈ نیشنل بینک میں فائرنگ کے بارے میں کال موصول ہوئی اور جب وہ جائے وقوعہ پر پہنچے تو عمارت کے اندر اس وقت بھی گولیاں چل رہی تھیں۔
انھوں نے بتایا کہ بینک کے اندر پانچ افراد ہلاک ہو گئے اور ایک پولیس افسر سمیت کم از کم چھ افراد کو ہسپتال لے جایا گیا۔
LMPD has confirmed a shooting situation in downtown Louisville with multiple casualties. I am headed there now. Please pray for all of the families impacted and for the city of Louisville. ^AB
— Governor Andy Beshear (@GovAndyBeshear) April 10, 2023
کینٹکی کے گورنر اینڈی بیشیر نے ایک ٹویٹ میں کہا کہ وہ جائے وقوعہ کی طرف جا رہے ہیں، براہ کرم متاثرہ خاندانوں اور لوئس ول شہر کے لیے دعا کریں۔ ایف بی آئی نے کہا کہ اس کے ایجنٹ بھی جائے وقوع پہنچ رہے تھے۔
