چین اور تاجکستان کے سرحدی علاقہ کے قریب زلزلہ آیا تاہم کسی جانی یا مالی نقصان کی اطلاع نہیں ملی۔
تفصیلات کے مطابق ترکیہ اور شام کے بعد تاجکستان میں چین کے ساتھ سرحد کے قریب 6.8 شدت کے زلزلے کے جھٹکے محسوس کئے گئے۔
امریکی جیولوجیکل سروے نے بتایا کہ زلزلہ صبح پانچ بجکر سینتیس منٹ پر آیا، اس کی گہرائی بیس اعشاریہ پانچ کلومیٹر تھی جبکہ زلزلے کا مرکز گورنو،بدخشاں تھا۔
دوسری جانب چین کے ارتھ کوئیک نیٹ ورک سینٹر (سی ای این سی) نے زلزلے کی تصدیق کرتے ہوئے کہا کہ جمعرات کو علی الصبح چین کے سنکیانگ ریجن اور تاجکستان کی سرحد کے قریب7.3 شدت کا زلزلہ آیا۔
چین کے شہر کاشغر اور آرٹکس میں بھی زلزلے کے جھٹکے محسوس کیے گئے، زلزلے کا مرکز چین کی سرحد سے 82 کلومیٹر دور تھا۔
رپورٹس کے مطابق فوری طور پر کسی جانی یا مالی نقصان کی اطلاع نہیں ملی۔
خیال رہے کہ گزشتہ ہفتوں میں ترکیہ میں 7.8 شدت کے زلزلے میں 47 ہزار تجاوز کر گئی ہے
