عالمی شہرت یافتہ پاکستانی اداکارہ ماہرہ خان اپنے دوست سلیم کریم کے ساتھ شادی کے بندھن میں بندھ گئیں۔
اداکارہ ماہرہ خان اور سلیم کریم کی شادی کی ویڈیو اور تصاویر سوشل میڈیا پر وائرل ہوگئیں، شوبز شخصیات اور مداحوں کی جانب سے ماہرہ خان کو شادی کی مبارک باد دی جارہی ہے۔
ماہرہ کی شادی کی تصاویر ان کی منیجر انوشے طلحہ خان نے سوشل میڈیا پر جاری کیں۔
ماہرہ خان نے شادی کے موقع پر سفید رنگ کے عروسی لباس کا انتخاب کیا جبکہ سلیم کریم سیاہ رنگ کی شیروانی زیب تن کی۔
اداکارہ نے ڈیزائنر فراز منان کا برائیڈل ڈریس زیب تن کیا ان کے برائیڈل ڈریسز کی قیمت 35 لاکھ روپے سے شروع ہوتی ہے۔
ڈیزائنر فراز منان کی ترجمان کی بات سے واضح ہوتا ہے کہ ماہرہ خان کے عروسی جوڑے کی قیمت بھی 35 لاکھ روپے یا اس سے زیادہ ہوگی۔
شادی کی اس پُروقار تقریب کے لیے اداکارہ نے میک اپ آرٹسٹ بابر ظہیر کا انتخاب کیا جب کہ سوشل میڈیا رپورٹ کے مطابق دُلہے میاں سلیم کریم نے یوسف بشیر قریشی (وائی کیو بی) اسٹوڈیو کے لباس کو منتخب کیا۔
MAHIRA WEDS SALIM✨#MahiraKhan pic.twitter.com/h4CevoEEIY
— . (@toheedx_) October 1, 2023
واضح رہے کہ ماہرہ خان کی پہلی شای سال 2007 میں علی عسکری کے ساتھ ہوئی تھی جن سے اداکارہ کا ایک بیٹا اذلان بھی ہے لیکن ان کی پہلی شادی صرف 8 سال تک رہ سکی اور 2015 میں طلاق ہوگئی تھی۔
