بالی ووڈ کی معروف اداکارہ نے اپنے سابق شوہر ارباز خان کی مثبت خوبیوں پر اپنے ردعمل کا اظہار کیا ہے۔
اداکارہ و ماڈل ملائیکا اروڑا نے بیٹے ارہان خان کے شو ’ڈمب بریانی‘ کی تازہ قسط میں بطور مہمان شرکت کی جہاں بیٹے نے ماں اور ماں سے بیٹے سے کئی اہم سوال کیے۔
ملائیکا اروڑا نے اپنے سابق شوہر، ارباز خان کی اُن اچھی اور بری خصلتوں کے بارے میں بات کی جو اُن کے بیٹے ارہان کو وراثت میں ملی ہیں۔
انہوں نے اپنے بیٹے کے والد کی طرح انصاف پسند ہونے پر تعریف کرتے ہوئے کہا کہ ارباز خان ایک انصاف پسند اور منصف انسان ہیں اور یہ خوبی تم(ارہان خان) میں بھی ہے۔
اداکارہ ملائیکا نے مزید کہا کہ ارہان خان انداز میں ہوبہو اپنے والد جیسا ہے، اور یہ بات مجھے بلکل پسند نہیں ہے، کیوں کہ ارہان بھی اپنے والد کی طرح وقت پر فیصلہ نہیں کرتے۔
ملائیکا اروڑا نے اپنے بیٹے ارہان کو مخاطب کرتے ہوئے کہا کہ تمھارے والد غیر پرکشش شخصیت اور انداز کے مالک ہیں اور تم بھی اس معاملے پر بالکل اپنے والد پر گئے ہو۔
اداکارہ کا کہنا تھا کہ اُن کا بیٹا اپنے والد جیسا ہے جسے کچھ معلوم نہیں ہوتا ہے کہ اُسے کب جاگنا ہے، کیا پہننا ہے اور کیا کھانا پینا ہے، جس پر بیٹے نے ماں کو توکتے ہوئے کہا کہ ’ میری روٹین تو بہت اچھی بنی ہوئی ہے‘۔
اس کے جواب میں اداکارہ نے بیٹے کی بہتر روٹین کا سارا کریڈٹ خود لیتے ہوئے کہا کہ ’آپ کی روٹین اس لیے منظم اور متوازن ہے کیوں کہ آپ کو میرے جیسی والدہ ملی ہوئی ہے۔‘