ملائیشیا میں لینڈ سلائیڈنگ سے 23 افراد ہلاک اور درجنوں لاپتا ہوگئے۔
غیر ملکی میڈیا کے مطابق لینڈسلائیڈنگ کا واقعہ ملائیشیا کی ریاست سیلنگور کیمپنگ سائٹ پر ہلکی بارش کے بعد رونما ہوا، لینڈ سلائیڈنگ سے مرنے والوں کی تعداد 23 ہو گئی، ہلاک ہونے والوں میں پانچ بچے اور بارہ خواتین بھی شامل ہیں۔
انتظامیہ کی جانب سے بتایا گیا کہ چار سو سے زائد ریسکیو اہلکار امدادی کاموں میں مصروف ہیں، پچاس سےزائد افراد کوبچا لیا گیا ہے جبکہ مزید کی تلاش جاری ہے۔
- Advertisement -
انتظامیہ کے مطابق سڑک کنارے فارم میں 90 افراد نے کیمپنگ کی ہوئی تھی، حادثے میں 53 افراد کو ریسکیو کیا گیا جب کہ 23 افراد ہلاک ہوئے اور متعدد تاحال لاپتا ہیں۔
