خیر پور: پاکستان پیپلز پارٹی کے رہنما منظور وسان کا کہنا ہے 10 دن اہم ہیں کچھ بھی ہوسکتا ہے لیکن یہ تو طے ہے کہ الیکشن وقت پر ہوں گے۔
تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے اپنے بیان میں کہا ہے کہ انتخابات ہوں گے مگر10دن اہم ہیں کچھ بھی ہوسکتا ہے ،یہ تو طے ہے کہ الیکشن وقت پر ہوں گے۔
ججزکےاستعفوں کے حوالے سے رہنما پیپلزپارٹی کا کہنا تھا کہ ججزکےاستعفےمستقبل کےلیےاچھاثابت نہیں ہوگا، احتساب سب کاہوناچاہیےاورسب دیکھ رہےہیں احتساب ہورہاہے۔
منظور وسان نے کہا کہ ن لیگ پہلے کی طرح اب مقبول نہیں ، دیگرجماعتوں سےناراض لوگوں کے آنےسےپی پی کو فائدہ ہورہا ہے۔
ان کا مزید کہنا تھا کہ وزارت عظمی کے لیے پہلے مقابلہ سخت دکھائی دے رہا تھا مگر اب نہیں، اب صورتحال بلاول بھٹو کے حق میں جا رہی ہے، عوام کی خواہش ہے کہ اب نوجوان آگےآئیں۔
الیکشن کے بعد بننے والی حکومت سے متعلق رہنما پی پی نے کہا کہ الیکشن جیتنےکےبعدپتہ لگےگامضبوط حکومت بنےگی یااتحادی۔
