لاہور : انسداد دہشت گردی عدالت نے ن لیگی رہنما مریم اورنگزیب کیخلاف ریاست مخالف تقاریر کے مقدمے میں استنثی کی درخواست مسترد کرتے ہوٸے ضمانتی مچلکے منسوخ کر دیئے۔
انسداد دہشت گردی عدالت نے ن لیگی رہنما مریم اورنگ زیب اور جاوید لطیف کیخلاف ریاست مخالف تقاریر کے مقدمے میں پیش نہ ہونے پر ان کی استنثی کی درخواستیں مسترد کرتے ہوٸے ضمانتی مچلکے منسوخ کر دہے
تفصیلات کے مطابق لاہور کی انسداد دہشت گردی عدالت میں ریاست مخالف تقاریر کیس کی سماعت ہوٸی، دونوں سابق وفاقی وزراء مریم اورنگزیب اور جاوید لطیف پیش نہیں ہوئے اور ان کی طرف سے اُن کے وکلاء نے پیشی سے استثنی کی درخواستیں دیں۔
عدالت نے درخواستیں مسترد اور دونوں ملزمن کے ضمانت مچلکے بھی منسوخ کر دیئے اور دیگر ملزموں کے پیش ہونے پر مقدمے پر مزید کارروائی 25 نومبر تک ملتوی کردی۔
خیال رہے مریم اورنگزیب اور جاوید لطیف کیخلاف ریاست مخالف تقاریر کا مقدمہ گرین ٹاؤن پولیس اسٹیشن میں درج ہے۔
