امریکا سے تعلق رکھنے والی عالمی شہرت یافتہ گلوکارہ ریحانہ 2018 میں ریلیز ہونے والی بلاک بسٹر فلم ’بلیک پینتھر‘ کے سیکوئل کا حصہ بن گئیں۔
’بلیک پینتھر‘ کے سیکوئل کی ریلیز سے چند ہی دن قبل مارول اسٹوڈیوز نے انتظار کرنے والوں کو بڑا سرپرائز دے دیا۔ اسٹوڈیوز نے سوشل میڈیا پر اعلان کیا ہے کہ گلوکارہ ریحانہ بھی فلم کا حصہ ہوں گی۔
مارول اسٹوڈیوز نے اپنے آفیشل ٹوئٹر ہینڈول پر ایک مختصر اور بغیر آڈیو کی ویڈیو پوسٹ کی جس میں سیکوئل کا عنوان دیکھا جا سکتا ہے۔
ویڈیو کے آخر میں لفط ’R‘ کو نمایاں طور پر دکھایا گیا جس کے نیچے 28 اکتوبر 2022 تاریخ بھی درج ہے۔ کیپشن میں ’Wakanda Forever‘ کا ہیش ٹنگ استعمال کیا گیا ہے۔
👀 #WakandaForever pic.twitter.com/cUbiCvoFwT
— Marvel Studios (@MarvelStudios) October 26, 2022
ممکنہ طور پر فلم کے لیے ریحانہ کا گانا 28 اکتوبر کو ریلیز کیا جائے گا جبکہ فلم کی ریلیز 11 نومبر کو شیڈول ہے۔