اسلام آباد: وفاقی وزیر اطلاعات مریم اورنگزیب نے کہا ہے کہ اتحادی حکومت نے روس سے خام تیل پاکستان لانے کا وعدہ سچ کر دکھایا۔
سماجی رابطے کی ویب سائٹ ٹوئٹر پر جاری پیغام میں وفاقی وزیر اطلاعات مریم اورنگزیب نے کہا کہ اتحادی حکومت نے روس سے خام تیل پاکستان لانے کا وعدہ سچ کر دکھایا، اسے کہتے ہیں وعدوں کی تکمیل، ملک اور قوم کے مسائل حل کرنے کی اہلیت اور نیت۔
کیا روسی تیل آنے سے پاکستان میں پیٹرول کی قیمتیں کم ہوں گی؟عوام کے لیے اہم خبر آگئی
مریم اورنگزیب نے مزید کہا کہ وزیراعظم شہباز شریف ہمیشہ کی طرح عوام سے کئے وعدوں کی تکمیل کر رہے ہیں، ایک سال کی مخلصانہ اور دیانت دارانہ محنت رنگ لا رہی ہے۔
واضح رہے کہ گزشتہ روسی خام تیل لے کر بحری جہاز کراچی کی بندرگاہ پر پہنچا، اس حوالے سے کراچی پورٹ ٹرسٹ کے ترجمان کا کہنا ہے کہ روس کا پہلا تیل بردار جہاز کراچی کی بندرگاہ پر لنگر انداز ہوگیا ہے۔
کے پی ٹی ترجمان نے کہا تھا کہ پیور پوائنٹ نامی جہاز 45 ہزار 142 میٹرک ٹن تیل لے کر پہنچا ہے، روسی آئل ٹینکر پیور پوائنٹ کو او پی ٹو پر برتھ کیا گیا ہے۔
