شوبز انڈسٹری کی معروف اداکارہ ماورا حسین نے ایک بار پھر بھارتی فلم انڈسٹری میں کام کرنے سے متعلق اپنے ارادے سے مداحوں کو آگاہ کردیا۔
اداکارہ ماورا حسین اپنی اداکاری کے ساتھ سوشل میڈیا پر بھی اپنی نت نئی تصاویر سے موضوع بحث بنی رہتی ہیں۔
اپنے مداحوں اور پرستاروں کے ساتھ گپ شپ لگانے کیلئے ماورا حسین نے سوال جواب کا سیشن منعقد کیا۔
اس سیشن میں ماورا حسین نے نہ صرف اپنے چاہنے والوں کی جانب سے پوچھے گئے منفرد سوالات کا جواب دیا بلکہ ایک اہم خبر بھی سنادی۔
ماورا حسین سے فوٹو اینڈ ویڈیو شیئرنگ ایپ انسٹاگرام پر ایک مداح نے سوال پوچھا کہ ’کیا میں آپ کو جلد بالی وڈ کی کسی فلم میں دیکھ سکوں گا؟‘
اس سوال کا جواب دیتے ہوئے ماورا حسین نے لکھا کہ’ناممکن کچھ بھی نہیں ہے، کچھ بھی ہوسکتا ہے تو جو ہونا ہوگا ہوجائے گا‘۔
پرینیتی چوپڑا نے حتمی فیصلہ کرلیا؟
یاد رہے کہ 2016ء میں اداکارہ ماورا حسین نے بالی وڈ فلم ’صنم تیری قسم‘ سے بھارتی فلم انڈسٹری میں ڈیبیو دیا تھا۔
