نگراں وزیراطلاعات مرتضیٰ سولنگی کا کہنا ہے کہ انتخابات کو شفاف اور منصفانہ بنانے میں میڈیا کا اہم کردار ہے۔
تفصیلات کے مطابق نگراں وزیرداخلہ گوہراعجاز سے نگراں وزیراطلاعات مرتضیٰ سولنگی کی ملاقات ہوئی۔ وزیراطلاعات نے گوہر اعجاز کو وزارت داخلہ کا قلمدان سنبھالنے پر مبارکباد دی۔ ملاقات میں انتخابات کی تیاریوں کا جائزہ لیا گیا اور سیکیورٹی انتظامات پرغور کیا گیا۔
اس موقع پر مرتضیٰ سولنگی نے کہا کہ میڈیا انتخابی ضابطہ اخلاق پر عملدرآمد کرے۔ انتخابات کو شفاف اور منصفانہ بنانے میں میڈیا کا اہم کردار ہے۔
نگراں وزیراطلاعات کا کہنا تھا کہ انتخابات میں اشتعال انگیزی اور پروپیگنڈے سے گریز کیا جائے۔ انتخابات کے پرامن انعقاد کیلئے حکومت تمام اقدامات کررہی ہے،
اس موقع پر نگراں وزیرداخلہ گوہر اعجاز نے کہا کہ سیکیورٹی انتظامات کیلئے وفاق و صوبائی حکومتوں میں مکمل تعاون ہے۔ سیاسی جماعتیں انتخابات میں امن برقرار رکھنے میں حکومت کا ساتھ دیں۔
گوہر اعجاز نے کہا کہ انتخابات کے دوران امن و امان ہرصورت برقرار رکھا جائے گا۔ دنوں نگراں وزرا کی ملاقات میں انتخابات کے دوران میڈیا کی ذمہ داریوں سے متعلق بھی تبادلہ خیال کیا گیا۔
