اے آر وائی ڈیجیٹل کے ڈرامہ سیریل ’میرے ہی رہنا‘ میں اریج محی الدین اور سید جبران کی اداکاری مداحوں کو بھا گئی۔
ڈرامہ سیریل ’میرے ہی رہنا‘ میں سید جبران (جنید)، اریج محی الدین (بینا)، کرن حق (روحی)، شہروز سبزواری (اسد)، سبحان اعوان، زویا ناصر، پروین اکبر، عروبا مرزا، آمنہ اسلم، بابر علی ودیگر اداکاری کے جوہر دکھا رہے ہیں۔
میرے ہی رہنا کی ہدایت کاری کے فرائض ذیشان علی زیدی نے انجام دیے ہیں جبکہ اس کی کہانی میمونہ عزیز نے لکھی ہے۔
ڈرامے کی کہانی سید جبران، اریج محی الدین، کرن حق اور شہروز سبزواری کے گرد گھومتی ہے۔
گزشتہ قسط میں دکھایا گیا کہ ’جنید، بینا کو گاڑی میں یونیورسٹی سے گھر جاتے ہوئے لفٹ دیتے ہیں، وہ کہتی ہیں کہ ’اگر آپ چلے جاتے تو مجھے اس کڑی دھوپ میں سڑنا پڑتا۔‘
بینا کہتی ہیں کہ ’آپ کچھ بولیں گے نہیں۔‘ وہ کہتے ہیں کہ ’میں کیا بولوں؟‘ وہ کہتی ہیں کہ ’کچھ بھی اتنی باتیں ہوتی ہیں مجھ سے زیادہ دیر چپ نہیں رہا جاتا میں بولتی بہت ہوں۔‘
وہ پوچھتی ہیں کہ ’اچھا بتائیں آپی کیسی ہیں؟‘ جنید کہتے ہیں کہ ’آپ کی بہن بہت اچھی ہیں۔‘
بینا کہتی ہیں کہ ’دیکھا ایک ہی دن آپ سب کا دل جیت لیا، میری آپی ہیں ہی اتنی اچھی۔‘ ہمارے گھر میں سارے کام وہ ہی دیکھتی تھیں ان کی شادی کے بعد ساری ذمہ داریاں مجھ پر آگئی ہیں۔‘
وہ کہتی ہیں کہ ’ابی (بابر علی) اور میں انہیں بہت مس کرتے ہیں۔‘
کیا جنید کی شادی بینا سے ہوجائے گی؟ کیا روحی کیلیے شادی کے بعد سسرال میں آزمائش شروع ہوجائے گی؟ یہ جاننے کے لیے ’میرے ہی رہنا‘ کی اگلی قسط دیکھیں۔
